Condom Istemal Karne Ka Sahi Tarika

KamaSutra

Supporter
योगदानकर्ता
मेसेज
66
Likes
0
Points
1
#1
Yah to manna padega ki condom science ka adbhut gift hai. Yah na sirf anchahe garbh (unwanted pregnancy) se bachata hai, balki STD’s jaise HIB/AIDS ke khatre se bhi bachane me bahut help karta hai.Safe sex ka anand uthane ke liye condom ka istemal karna jaruri hota hai.

Safe sex ko karne ke liye condom ko sahi tarike se istemal karne ke bare me bhi janna jaruri hota hai, nahi to condom istemal karne ke bavjud bhi khatre ki possibility rah jati hai.

Condom Ko Istemal Karne Ke Tarike
  • Packet Ko Sahi Tarah Se Kholne Ka Tarika : Jyadatar log danto se packet ko fadne ki koshish karte hai, jisme condom ke fatne ki possibility hoti hai. Isliye kisi scissor se packet ko kate aur condom ko bahar nikale. Isko use karne se pahle check kar le ki kahi vo fat to nahi gaya.
  • Normally log yah galti kar baithte hai ki uttejit hone ke pahle hi condom ko khol lete hai. Jiske karan jab ve uttejit hone ke baad usko pahante hai tab normally condom fat jata hai.
  • Kabhi-kabhi log jaldi me condom galat tarah se pahan lete hai aur fir kholkar sahi tarike se pahanne ke dauran usme sperm lag jane ki possibility ban jati hai, jiske karan pregnancy ka khatra bad jata hai.
  • Galat Lubricant Ka Istemal : Condom ke sath sahi tarah ke lubricant ka istemal karna jaruri hota hai, nahi to condom ke fatne ka dar hota hai. For example petroleum jelly, lotion, cream ka istemal karne se latex condom ko nuksan pahunchta hai. Iske liye glycerine ka istemal karna thik hota hai.
  • Air Bharne Ki Galti Na Kare : Koi-koi yah galti kar baithte hai ki condom ko pahante vakt usme air bharne lagte hai. Air bharne se condom thik se skin se chipak nahi pata aur uske fatne ka bhi dar rahta hai.
  • Pahanne Ke Bad Jagah Na Chode : Semen ki nok par jagah nahi chodni chahiye isse fatne ka dar bana rahta hai.
  • Kaam Ho Jane Ke Baad Pahane Rahane Ki Galti : Sex ke dauran uttejit ke shaman ke baad bhi kuch log pahane rahane ki galti karte hai jisse sperm ke nikal kar bahar ane ka dar bana rahta hai. Isliye istemal karne ke turant baad isko kholkar fenk dena chahiye.
  • Sahi Size Ka Chunav : Condom kharidte vakt sahi size ka chunav jarur kare. Size sahi nahi hone par yah thila pad jata hai ya tight hone par fat jata hai. Jiske karan sex ke dauran pura anand bhi nahi mil pata aur pregnancy aur STD ka khatra bhi bana rahta hai.
Condom science ki den jarur hai magar isko banaya to insan ne hi hai, isliye kabhi-kabhi isko banane me kuch galtiya ho sakti hai. Isliye condom istemal karne se pahle nimn bato ka dhyan rakhe –
  • Hamesha achhe brand ka condom hi kharide.
  • Kharidte vakt expiry date jaru dekhe.
  • Jyadatar log pocket me condom lekar ghumte hai. Lekin sun light ke contact me ane par condom ka latex aur texture dono nasht hone lagti hai.
 
Top