Ladki Ko Impress Kaise Kare

Kya apko koi ladki pasand hai aur ap us ladki ko impress karna chahte hai? Halanki ap usko jabardasti apne pyar me nahi daal sakte, par khud ko ek acchi situation me rakh sakte hai.

Ladki Ko Impress Karne Ke Tarike

Impress Karne Wali Dress Pahle


Apke adhik attractiv lagne aur apse acchi khushboo ane ke sath-sath, apke apne saundarya ki dekhbhal karne se usko yah feel hoga ki ap mature hai aur important daily work ko karne ki ability rakhte hai. Iske alava is baat par dhyan de ki vah kis prakar ke kadpe pahanti hai aur ap bhi usi prakar ke kapde pahane, isse uske apke sath naata rakhne me asani hogi aur vah apki taraf jyada attract hogi. Iske sath hi in baato ka vishesh de :
  • Din me kam se kam ek baar nahaye. Yah subah ke samay sabse accha hai, taki ap tajgi aur saaf hone ke ahsas ke sath din ki shuruat kar sake. Apne baal dhoye, sab jagah sabun lagaye aur usko pani se dhokar acche se saaf kare. Ek acchi aromatic sabun ka istemal kare. Ap pudina ya nimbu wali sabun ka istemal kar sakte hai.
  • Apne muh ko saaf rakhe. Din me 2 baar brush kare, dant ko flush se saaf kare aur mouthwash ka istemal kare. Din ke beech me, acchi sans ke liye pudina ya chewing gum ka upyog kare.
  • Hair style acchi rakhe. Rojana shave kare ya agar ap beard rakhna chahte hai to usko acche se trim kare taki vah aniyantrit ya maili-kuchaili na lage.
  • Acche deodorant ka upyog kare. Subah nahane ke baad isko lagaye. Yah dhyan rakhe ki apka deodorant jyada mardana khoshboo ka na ho.
  • Rojana saaf aur dhule kapde pahne.
Hamesha Vinamra (Polite) Rahe

Ladkiya vinamra ladko par jyada trust karti hai. Vinamra rahne ka matlab hai ap dusro ki respect karte hai, yahi character har ladki apne premi chahti hai. Isliye sabka respect karke us ladki ko dikhaye ki ap sabki kitni respect karte hai.
  • “Please”, “Thank You” aur “You Welcome” jaise sabdo ka istemal kare.
  • Janta me, ya kuch logo ke beech gali dene ya kuch bura kahne se bache. Apne dosto ke sath khulkar baat karne me koi burai nahi hai, lekin jin logo ko ap acchi tarah se na jante ho unke samne apna sabse accha behavior dikhane ki koshish kare.
Bolne Se Pahle Soche (Think Before You Speak)

Sabhi log kabhi-kabhi galti se bekar ki baate kah dete hai, lekin jab ap us ladki ke aspas hai to apna har sabd kuch second sochkar bole.
  • Anya ladkiyo ki baate na kare. Apko shayad usko jealous feel karana ek accha vichar lage, lekin aisa na kare. Uske samne anya ladkiyo ke saundarya ko lekar charcha karna apko haani pahuncha sakta hai. Jaha tak vah janti hai, ap usi me ruchi rakhte hai.
  • Logo ko neecha dikhane aur unka apman karne se bache. Aisa ap majaak me bhi kisi ke sath na kare. Shayad vah apke majak ko samajhne me nakaam rahe aur us majaak ko dil par lele.
  • Gande joke na sunaye. Aise jokes close friends ke sath kiye jate hai, isliye yadi ap us ladki ke aspas ho to gande jokes se bache.
Uski Tareef Karna Na Bhule
  • Soche ki apko uske baare me sabse jyada kya pasand hai. Yah uski muskan, uski hansi, uski buddhi ya jo bhi apko uski sabse acchi quality lagti ho ke baare me ho sakti hai. Lekin ek baat ka dhyan rakhe ki ki ap uski ankho aur muskan ke alava kisi aur sharirik lakshan ki tareef na kare. Bhale uski sharirik dikhavat bahut acchi ho, lekin iski tareef karne ka samay abhi uchit nahi hai.
  • Koshish kare ki ap uski tareef us jagah kare jaha uske dost ya apke dost apko sun sake. Ap yah whatsapp ya facebook ke jariye bhi kar sakte hai.
  • Uski tareef ko small aur pyar bhari rakhe, jisme humility aur delicacy shamil ho.
  • Yah dhyan de ki ap ise kaise kahte hai. “Yah ek sundar dress hai” ya “mujhe apki dress bahut pasand hai”, ke bajay kahe ki “ap is dress me sach me bahut acchi lag rahi ho.” Matlab uske kapdo ki hi nahi, uski bhi tareef kare.
  • Body language ko accha rakhe. Hamesha smile dekar aur eye contact karke hi baate kare.
  • Usko khaas mahsus karaye. Kuch aise tarike khoje jisse usko lage ki ap usko ek anokhe vyakti ke roop me dekhte hai. Vah jarur is baat par dhyan degi.
  • Kabhi bhi usko andekha na kare aur jyada bhaav na khaye. Yadi vah apko message bheje to usko vapas message bheje. Yadi vah baat karna chahti hai to usse baat jarur kare.
  • Uski help karne ke liye hamesha khade rahe. Yadi usko kisi help ki jarurat hai, to uski help karne ki peshkash kare.
  • Usko baat karne de. Ek ladki se baat karte huye sabse badi galti yah hoti hai ki hum sirf apne ap par hi dhyan dete hai. Usse uski hobbies, favorite books, music adi ke baare me puchhe. Yadi vah apse koi sabal puchhe to uska thode sabdo me uttar de aur sabal ko uski taraf vapas mode. Isse uski baatcheet me dilchaspi badhegi.
  • Uske sath ek personal friendship shuru kare. Aisa karne se ap dono ek secret relationship share kar payenge jo sirf ap dono ke beech hi rahegi. Yah usko vishesh aur apke kareeb mahsus karayegi. Yah apko uske sath apni personal feelings share karne me help karegi.
  • Dhire-dhire usko yah feel karaye ki ap uski kitni care karte hai.
Ladki Ko Impress Karne Ke Liye Dhyan Dene Wali Baate
  • Jab bhi vah sad mood me ho, to usko motivate kare. Usko yah feel karaye ki ap uski kitni kadra karte hai.
  • Uske sath hamesha accha bartav (good behavior) kare. Jab bhi ap uski taraf dekhe to ek acchi si smile jarur de. Uske sath majak kare taki ap ek dusre ke sath hans sake.
  • Yadi ap ladki ko impress karne me unsuccessful ho rahe ho to dhairya rakhe aur koshish karte rahe.
  • Kuch ladkiya natural roop se chulbuli hoti hai, lekin jaruri nahi unhe ap me dilchaspi hai. Bhale hi vah apke sath kafi samay bitati ho, apko gale lagati ho aur apke sath anya mohak baate karti ho. Iska matlab yah nahi ki vah apko pasand karti hai. Isliye dhire-dhire uski mun ki baat ka pata lagaye.
  • Har jagah usko follow na kare. Yah apko uski najro me gira sakta hai.
  • Usko apni importance feel karaye aur usko darshaye ki ap usko kitna pasand karte hai.
  • Yadi ap koi music instrument bajana jante hai, to uska koi favorite gana bajaye.
  • Uske prati apni sympathy aur love dikhane ki har sambhav koshish kare. Yadi vo kabhi dukhi ya udash ho to uski help karne ki koshish kare.
  • Hamesha uske sath contact me rahe.
  • Yadi vah apke sath bahut baate karti hai aur apko baar baar touch karti hai to ho sakta hai apko pasand karti ho.
 
Similar threads

Similar threads

Top